ﻣﺤﺮﺍﺏِ ﻣﺮﯾﻢ

ﺣﻀﺮﺕ ﻋﯿﺴﯽٰ ﻋﻠﯿﮧ ﺍﻟﺴﻼﻡ ﮐﯽﻭﺍﻟﺪﮦ ﻣﺎﺟﺪﮦ ﺣﻀﺮﺕ ﻣﺮﯾﻢ ( ﺭﺿﯽﺍﻟﻠﮧ ﻋﻨﮩﺎ )ﮐﮯ ﻭﺍﻟﺪ ﮐﺎ ﻧﺎﻡ” ﻋﻤﺮﺍﻥ ” ﺍﻭﺭ ﻣﺎﮞ ﮐﺎ ﻧﺎﻡ ” ﺣﻨﮧ ” ﺗﮭﺎ۔ﺟﺐ ﺑﯽ ﺑﯽ ﻣﺮﯾﻢ ﺍﭘﻨﯽ ﻣﺎﮞ ﮐﮯﺷﮑﻢ ﻣﯿﮟ ﺗﮭﯿﮟ ﺍﺱ ﻭﻗﺖ ﺍﻥ ﮐﯽﻣﺎﮞ ﻧﮯ ﯾﮧ ﻣﻨﺖ ﻣﺎﻥ ﻟﯽ ﺗﮭﯽ ﮐﮧ ﺟﻮﺑﭽﮧ ﭘﯿﺪﺍ ﮨﻮ ﮔﺎ ﻣﯿﮟ ﺍﺱ ﮐﻮ ﺑﯿﺖﺍﻟﻤﻘﺪﺱ ﮐﯽ ﺧﺪﻣﺖ ﮐﮯ ﻟﺌﮯ ﺁﺯﺍﺩ ﮐﺮﺩﻭﮞ ﮔﯽ۔ ﭼﻨﺎﻧﭽﮧ ﺟﺐ ﺣﻀﺮﺕﻣﺮﯾﻢ ﭘﯿﺪﺍ ﮨﻮﺋﯿﮟ ﺗﻮ ﺍﻥ ﮐﯽ ﻭﺍﻟﺪﮦﺍﻥ ﮐﻮ ﺑﯿﺖ ﺍﻟﻤﻘﺪﺱ ﻣﯿﮟ ﻟﮯ ﮐﺮﮔﺌﯿﮟ۔ ﺍﺱ ﻭﻗﺖ ﺑﯿﺖ ﺍﻟﻤﻘﺪﺱ ﮐﮯﺗﻤﺎﻡ ﻋﺎﻟﻤﻮﮞ ﺍﻭﺭ ﻋﺎﺑﺪﻭﮞ ﮐﮯ ﺍﻣﺎﻡﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﺗﮭﮯ ﺟﻮﺣﻀﺮﺕ ﻣﺮﯾﻢ ﮐﮯ ﺧﺎﻟﻮ ﺗﮭﮯ۔ﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﻧﮯ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎﮐﻮ ﺍﭘﻨﯽ ﮐﻔﺎﻟﺖ ﺍﻭﺭ ﭘﺮﻭﺭﺵ ﻣﯿﮟ ﻟﮯ ﻟﯿﺎﺍﻭﺭ ﺑﯿﺖ ﺍﻟﻤﻘﺪﺱ ﮐﯽ ﺑﺎﻻﺋﯽ ﻣﻨﺰﻝﻣﯿﮟ ﺗﻤﺎﻡ ﻣﻨﺰﻟﻮﮞ ﺳﮯﺍﻟﮓ ﺍﯾﮏ ﻣﺤﺮﺍﺏ ﺑﻨﺎ ﮐﺮ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎﮐﻮ ﺍﺱ ﻣﺤﺮﺍﺏ ﻣﯿﮟ ﭨﮭﮩﺮﺍﯾﺎ۔ ﭼﻨﺎﻧﭽﮧ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎﺍﺱ ﻣﺤﺮﺍﺏ ﻣﯿﮟ ﺍﮐﯿﻠﯽ ﺧﺪﺍ ﮐﯽ ﻋﺒﺎﺩﺕ ﻣﯿﮟ ﻣﺼﺮﻭﻑ ﺭﮨﻨﮯ ﻟﮕﯿﮟ ﺍﻭﺭ ﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﺻﺒﺢ ﻭ ﺷﺎﻡ ﻣﺤﺮﺍﺏ ﻣﯿﮟ ﺍﻥ ﮐﯽ ﺧﺒﺮ ﮔﯿﺮﯼ ﺍﻭﺭ ﺧﻮﺭﺩ ﻭ ﻧﻮﺵ ﮐﺎ ﺍﻧﺘﻈﺎﻡ ﮐﺮﻧﮯ ﮐﮯ ﻟﺌﮯ ﺁﺗﮯ ﺟﺎﺗﮯ ﺭﮨﮯ۔ ﭼﻨﺪ ﮨﯽ ﺩﻧﻮﮞ ﻣﯿﮟ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎﮐﯽ ﻣﺤﺮﺍﺏ ﮐﮯ ﺍﻧﺪﺭﯾﮧ ﮐﺮﺍﻣﺖ ﻧﻤﻮﺩﺍﺭ ﮨﻮﺋﯽ ﮐﮧ ﺟﺐ ﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﻣﺤﺮﺍﺏ ﻣﯿﮟ ﺟﺎﺗﮯ ﺗﻮﻭﮨﺎﮞﺟﺎﮌﻭﮞ ﮐﮯ ﭘﮭﻞ ﮔﺮﻣﯽ ﻣﯿﮟ ﺍﻭﺭ ﮔﺮﻣﯽ ﮐﮯ ﭘﮭﻞ ﺟﺎﮌﻭﮞ ﻣﯿﮟ ﭘﺎﺗﮯ۔ ﺣﻀﺮﺕ ﺯﮐﺮﯾﺎﻋﻠﯿﮧ ﺍﻟﺴﻼﻡ ﺣﯿﺮﺍﻥﮨﻮﮐﺮﭘﻮﭼﮭﺘﮯ ﮐﮧ ﺍﮮ ﻣﺮﯾﻢ ﯾﮧ ﭘﮭﻞ ﮐﮩﺎﮞ ﺳﮯﺗﻤﮩﺎﺭﮮ ﭘﺎﺱ ﺁﺗﮯ ﮨﯿﮟ؟

ﺗﻮ ﺣﻀﺮﺕﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎ ﯾﮧ ﺟﻮﺍﺏﺩﯾﺘﯿﮟ ﮐﮧ ﯾﮧ ﭘﮭﻞ ﺍﻟﻠﮧ ﮐﯽ ﻃﺮﻑ ﺳﮯﺁﺗﮯ ﮨﯿﮟ ﺍﻭﺭ ﺍﻟﻠﮧ ﺟﺲ ﮐﻮ ﭼﺎﮨﺘﺎ ﮨﮯﺑﻼ ﺣﺴﺎﺏ ﺭﻭﺯﯼ ﻋﻄﺎ ﻓﺮﻣﺎﺗﺎ ﮨﮯ۔ﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﮐﻮﺧﺪﺍﻭﻧﺪ ﻗﺪﻭﺱ ﻧﮯ ﻧﺒﻮﺕ ﮐﮯ ﺷﺮﻑﺳﮯ ﻧﻮﺍﺯﺍ ﺗﮭﺎ ﻣﮕﺮ ﺍﻥ ﮐﮯ ﮐﻮﺋﯽ ﺍﻭﻻﺩﻧﮩﯿﮟ ﺗﮭﯽ ﺍﻭﺭ ﻭﮦ ﺑﺎﻟﮑﻞ ﺿﻌﯿﻒﮨﻮﭼﮑﮯ ﺗﮭﮯ۔ ﺑﺮﺳﻮﮞ ﺳﮯ ﺍﻥ ﮐﮯ ﺩﻝﻣﯿﮟ ﻓﺮﺯﻧﺪ ﮐﯽ ﺗﻤﻨﺎ ﻣﻮﺟﺰﻥ ﺗﮭﯽﺍﻭﺭ ﺑﺎﺭﮨﺎ ﺍﻧﮩﻮﮞ ﻧﮯ ﮔﮍﮔﮍﺍ ﮐﺮ ﺧﺪﺍﺳﮯ ﺍﻭﻻﺩِ ﻧﺮﯾﻨﮧ ﮐﮯ ﻟﺌﮯ ﺩﻋﺎ ﺑﮭﯽ ﻣﺎﻧﮕﯽ ﺗﮭﯽ ﻣﮕﺮ ﺧﺪﺍ ﮐﯽ ﺷﺎﻥِ ﺑﮯﻧﯿﺎﺯﯼ ﮐﮧ ﺑﺎﻭﺟﻮﺩ ﺍﺱ ﮐﮯ ﺍﺏ ﺗﮏﺍﻥ ﮐﻮ ﮐﻮﺋﯽ ﻓﺮﺯﻧﺪ ﻧﮩﯿﮟ ﻣﻼ۔

ﺟﺐ ﺍﻧﮩﻮﮞ ﻧﮯ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧﻋﻨﮩﺎﮐﯽ ﻣﺤﺮﺍﺏ ﻣﯿﮟ ﯾﮧ ﮐﺮﺍﻣﺖﺩﯾﮑﮭﯽ ﮐﮧ ﺍﺱ ﺟﮕﮧ ﺑﮯ ﻣﻮﺳﻢ ﮐﺎ ﭘﮭﻞ ﺁﺗﺎ ﮨﮯ ﺗﻮ ﺍﺱ ﻭﻗﺖ ﺍﻥ ﮐﮯ ﺩﻝﻣﯿﮟ ﯾﮧ ﺧﯿﺎﻝ ﺁﯾﺎ ﮐﮧ ﻣﯿﺮﯼ ﻋﻤﺮ ﺍﺏﺍﺗﻨﯽ ﺿﻌﯿﻔﯽ ﮐﯽ ﮨﻮﭼﮑﯽ ﮨﮯ ﮐﮧ ﺍﻭﻻﺩ ﮐﮯ ﭘﮭﻞ ﮐﺎ ﻣﻮﺳﻢ ﺧﺘﻢ ﮨﻮﭼﮑﺎﮨﮯ۔ ﻣﮕﺮ ﻭﮦ ﺍﻟﻠﮧ ﺟﻮ ﺣﻀﺮﺕ ﻣﺮﯾﻢﮐﯽ ﻣﺤﺮﺍﺏ ﻣﯿﮟ ﺑﮯ ﻣﻮﺳﻢ ﮐﮯ ﭘﮭﻞﻋﻄﺎ ﻓﺮﻣﺎﺗﺎ ﮨﮯ ﻭﮦ ﻗﺎﺩﺭ ﮨﮯ ﮐﮧ ﻣﺠﮭﮯﺑﮭﯽ ﺑﮯ ﻣﻮﺳﻢ ﮐﯽ ﺍﻭﻻﺩ ﮐﺎ ﭘﮭﻞﻋﻄﺎ ﻓﺮﻣﺎﺩﮮ۔ ﭼﻨﺎﻧﭽﮧ ﺁﭖ ﻧﮯ ﻣﺤﺮﺍﺏ ﻣﺮﯾﻢ ﻣﯿﮟ ﺩﻋﺎ ﻣﺎﻧﮕﯽ ﺍﻭﺭﺁﭖ ﮐﯽ ﺩﻋﺎ ﻣﻘﺒﻮﻝ ﮨﻮ ﮔﺌﯽ۔ ﺍﻭﺭ ﺍﻟﻠﮧﺗﻌﺎﻟﯽٰ ﻧﮯ ﺑﮍﮬﺎﭘﮯ ﻣﯿﮟ ﺁﭖ ﮐﻮ ﺍﯾﮏﻓﺮﺯﻧﺪ ﻋﻄﺎ ﻓﺮﻣﺎﯾﺎ ﺟﻦ ﮐﺎ ﻧﺎﻡ ﺧﻮﺩﺧﺪﺍﻭﻧﺪ ﻋﺎﻟﻢ ﻧﮯ ” ﯾﺤﯿﯽٰ ” ﺭﮐﮭﺎ ﺍﻭﺭﺍﻟﻠﮧ ﺗﻌﺎﻟﯽٰ ﻧﮯ ﺍﻥ ﮐﻮ ﻧﺒﻮﺕ ﮐﺎ ﺷﺮﻑﺑﮭﯽ ﻋﻄﺎ ﻓﺮﻣﺎﯾﺎ۔ ﻗﺮﺁﻥ ﻣﺠﯿﺪ ﻣﯿﮟﺧﺪﺍﻭﻧﺪ ﻗﺪﻭﺱ ﻧﮯ ﺍﺱ ﻭﺍﻗﻌﮧ ﮐﻮﺍﺱ ﻃﺮﺡ ﺑﯿﺎﻥ ﻓﺮﻣﺎﯾﺎ: ۔
ﮐُﻠَّﻤَﺎ ﺩَﺧَﻞَ ﻋَﻠَﯿۡﮩَﺎ ﺯَﮐَﺮِﯾَّﺎ ﺍﻟْﻤِﺤْﺮَﺍﺏَ ۙﻭَﺟَﺪَ ﻋِﻨۡﺪَﮨَﺎ ﺭِﺯْﻗًﺎ ۚ ﻗَﺎﻝَ ﯾٰﻤَﺮْﯾَﻢُ ﺍَﻧّٰﯽﻟَﮏِ ﮨٰﺬَﺍ ؕ ﻗَﺎﻟَﺖْ ﮨُﻮَ ﻣِﻦْ ﻋِﻨۡﺪِ ﺍﻟﻠﮧِ ؕ ﺍِﻥَّﺍﻟﻠﮧَ ﯾَﺮْﺯُﻕُ ﻣَﻦۡ ﯾَّﺸَﺎٓﺀُ ﺑِﻐَﯿۡﺮِ ﺣِﺴَﺎﺏٍ ﴿37 ﴾ ﮨُﻨَﺎﻟِﮏَ ﺩَﻋَﺎ ﺯَﮐَﺮِﯾَّﺎ ﺭَﺑَّﮧٗ ۚ ﻗَﺎﻝَ ﺭَﺏِّﮨَﺐْ ﻟِﯽۡ ﻣِﻦۡ ﻟَّﺪُﻧْﮏَ ﺫُﺭِّﯾَّۃً ﻃَﯿِّﺒَۃً ۚ ﺍِﻧَّﮏَﺳَﻤِﯿۡﻊُ ﺍﻟﺪُّﻋَﺎٓﺀِ ﴿ 38 ﴾ﻓَﻨَﺎﺩَﺗْﮧُ ﺍﻟْﻤَﻠٰٓﺌِﮑَۃُﻭَﮨُﻮَ ﻗَﺎٓﺋِﻢٌ ﯾُّﺼَﻠِّﯽۡ ﻓِﯽ ﺍﻟْﻤِﺤْﺮَﺍﺏِ ۙ ﺍَﻥَّﺍﻟﻠﮧَ ﯾُﺒَﺸِّﺮُﮎَ ﺑِﯿَﺤْﯿٰـﯽ ﻣُﺼَﺪِّﻗًۢﺎﺑِﮑَﻠِﻤَۃٍﻣِّﻦَ ﺍﻟﻠﮧِ ﻭَﺳَﯿِّﺪًﺍ ﻭَّﺣَﺼُﻮۡﺭًﺍ ﻭَّﻧَﺒِﯿًّﺎ ﻣِّﻦَﺍﻟﺼّٰﻠِﺤِﯿۡﻦَ ﴿39
۔ﺟﺐ ﺯﮐﺮﯾﺎ ﺍﺱﮐﮯ ﭘﺎﺱ ﺍﺱ ﮐﯽ ﻧﻤﺎﺯ ﭘﮍﮬﻨﮯ ﮐﯽ ﺟﮕﮧ ﺟﺎﺗﮯ ﺍﺱ ﮐﮯ ﭘﺎﺱ ﻧﯿﺎ ﺭﺯﻕﭘﺎﺗﮯ ﮐﮩﺎ ﺍﮮ ﻣﺮﯾﻢ ﯾﮧ ﺗﯿﺮﮮ ﭘﺎﺱﮐﮩﺎﮞ ﺳﮯ ﺁﯾﺎ ﺑﻮﻟﯿﮟ ﻭﮦ ﺍﻟﻠﮧ ﮐﮯ ﭘﺎﺱ ﺳﮯ ﮨﮯ ﺑﮯ ﺷﮏ ﺍﻟﻠﮧ ﺟﺴﮯ ﭼﺎﮨﮯ ﺑﮯﮔﻨﺘﯽ ﺩﮮ ﯾﮩﺎﮞ ﭘﮑﺎﺭﺍ ﺯﮐﺮﯾﺎ ﺍﭘﻨﮯ ﺭﺏﮐﻮ ﺑﻮﻻ ﺍﮮ ﺭﺏ ﻣﯿﺮﮮ ﻣﺠﮭﮯ ﺍﭘﻨﮯﭘﺎﺱ ﺳﮯ ﺩﮮ ﺳﺘﮭﺮﯼ ﺍﻭﻻﺩ ﺑﮯ ﺷﮏﺗﻮ ﮨﯽ ﮨﮯ ﺩﻋﺎ ﺳﻨﻨﮯ ﻭﺍﻻ، ﺗﻮﻓﺮﺷﺘﻮﮞ ﻧﮯ ﺍﺳﮯ ﺁﻭﺍﺯ ﺩﯼ ﺍﻭﺭ ﻭﮦ ﺍﭘﻨﯽ ﻧﻤﺎﺯ ﮐﯽ ﺟﮕﮧ ﮐﮭﮍﺍ ﻧﻤﺎﺯ ﭘﮍﮪﺭﮨﺎ ﺗﮭﺎ ﺑﮯ ﺷﮏ ﺍﻟﻠﮧ ﺁﭖ ﮐﻮ ﻣﮋﺩﮦﺩﯾﺘﺎ ﮨﮯ ﯾﺤﯿﯽٰ ﮐﺎ ﺟﻮ ﺍﻟﻠﮧ ﮐﯽ ﻃﺮﻑ ﮐﮯ ﺍﯾﮏ ﮐﻠﻤﮧ ﮐﯽ ﺗﺼﺪﯾﻖ ﮐﺮﯾﮕﺎ ﺍﻭﺭﺳﺮﺩﺍﺭ ﺍﻭﺭ ﮨﻤﯿﺸﮧ ﮐﮯ ﻟﺌﮯ ﻋﻮﺭﺗﻮﮞﺳﮯ ﺑﭽﻨﮯ ﻭﺍﻻ ﺍﻭﺭ ﻧﺒﯽ ﮨﻤﺎﺭﮮ ﺧﺎﺻﻮﮞ ﻣﯿﮟ ﺳﮯ۔

(ﭖ 3 ،ﺍٰﻝ ﻋﻤﺮﺍﻥ 37:ﺗﺎ 39 )
ﺍﺱ ﻭﺍﻗﻌﮧﺳﮯ ﻣﻨﺪﺭﺟﮧ ﺫﯾﻞ ﻋﺒﺮﺗﻮﮞ ﮐﯽ ﺗﺠﻠﯽ ﮨﻮﺗﯽ ﮨﮯ ﺟﻦ ﺳﮯ ﮨﺮ ﻣﺴﻠﻤﺎﻥ ﮐﻮﺳﺒﻖ ﺣﺎﺻﻞ ﮐﺮﻧﺎ ﺑﮩﺖ ﺿﺮﻭﺭﯼ ﮨﮯ ﺣﻀﺮﺕ ﻣﺮﯾﻢ ﺭﺿﯽ ﺍﻟﻠﮧ ﻋﻨﮩﺎ ﺑﺎﮐﺮﺍﻣﺖﻭﻟﯿﮧ ﮨﯿﮟ :۔

ﻭﺍﻗﻌﮧ ﻣﺬﮐﻮﺭﮦ
ﺳﮯ ﻣﻌﻠﻮﻡ ﮨﻮﺍ ﮐﮧ ﺣﻀﺮﺕﻣﺮﯾﻢﺭﺿﯽﺍﻟﻠﮧﻋﻨﮩﺎﺻﺎﺣﺐ ِ ﮐﺮﺍﻣﺖ ﺍﻭﺭﻣﺮﺗﺒﮧ ﻭﻻﯾﺖ ﭘﺮ ﻓﺎﺋﺰ ﮨﯿﮟ ﮐﯿﻮﻧﮑﮧﺧﺪﺍﮐﯽ ﻃﺮﻑ ﺳﮯ ﺍﻥ ﮐﯽ ﻣﺤﺮﺍﺏﻣﯿﮟ ﭘﮭﻞ ﺁﺗﮯ ﺗﮭﮯ ﺍﻭﺭ ﻭﮦ ﺑﮭﯽﺟﺎﮌﻭﮞ ﮐﮯ ﭘﮭﻞ ﮔﺮﻣﯽ ﻣﯿﮟ ﺍﻭﺭﮔﺮﻣﯽ ﮐﮯ ﭘﮭﻞ ﺟﺎﮌﻭﮞ ﻣﯿﮟ۔ ﯾﮧ ﺍﻥﮐﯽ ﺍﯾﮏ ﺑﮩﺖ ﮨﯽ ﻋﻈﯿﻢ ﺍﻟﺸﺎﻥ ﺍﻭﺭﻭﺍﺿﺢ ﮐﺮﺍﻣﺖ ﮨﮯ ﺟﻮ ﺍﻥ ﮐﯽﻭﻻﯾﺖ ﮐﯽ ﺷﺎﮨﺪ ﻋﺪﻝ ﮨﮯ۔ ﺍﺱ ﻭﺍﻗﻌﮧﺳﮯ ﯾﮧ ﺑﮭﯽ ﺛﺎﺑﺖ ﮨﻮﺍ ﮐﮧ ﺍﻟﻠﮧ ﻭﺍﻟﮯ ﯾﺎﺍﻟﻠﮧ ﻭﺍﻟﯿﺎﮞ ﺟﺲ ﺟﮕﮧ ﻋﺒﺎﺩﺕ ﮐﺮﯾﮟﻭﮦ ﺟﮕﮧ ﺍﺱ ﻗﺪﺭﻣﻘﺪﺱﮨﻮﺟﺎﺗﯽﮨﮯﮐﮧﻭﮨﺎﮞﺭﺣﻤﺖﺧﺪﺍﻭﻧﺪﯼ ﻋﺰﻭﺟﻞ ﮐﺎ ﻧﺰﻭﻝ ﮨﻮﺗﺎ ﮨﮯ ﺍﻭﺭ ﻭﮨﺎﮞﭘﺮ ﺩﻋﺎﺋﯿﮟ ﻣﻘﺒﻮﻝ ﮨﻮﺍ ﮐﺮﺗﯽ ﮨﯿﮟﺟﯿﺴﺎ ﮐﮧ ﺣﻀﺮﺕ ﺯﮐﺮﯾﺎ ﻋﻠﯿﮧ ﺍﻟﺴﻼﻡ ﮐﯽ ﺩﻋﺎ ﻣﺤﺮﺍﺏِ ﻣﺮﯾﻢ ﻣﯿﮟﻣﻘﺒﻮﻝ ﮨﻮﺋﯽ۔ ﺣﺎﻻﻧﮑﮧ ﻭﮦ ﺍﺱ ﺳﮯﭘﮩﻠﮯ ﺑﯿﺖ ﺍﻟﻤﻘﺪﺱ ﻣﯿﮟ ﺑﺎﺭ ﺑﺎﺭ ﯾﮧﺩﻋﺎ ﻣﺎﻧﮓ ﭼﮑﮯ ﺗﮭﮯ ﻣﮕﺮ ﺍﻥ ﮐﯽﻣﺮﺍﺩ ﭘﻮﺭﯼ ﻧﮩﯿﮟ ﮨﻮﺋﯽ ﺗﮭﯽ۔

( ﻋﺠﺎﺋﺐ ﺍﻟﻘﺮﺁﻥ ﻣﻊ ﻏﺮﺍﺋﺐ
ﺍﻟﻘﺮﺁﻥ،ﺻﻔﺤﮧ 65-67

تبصرے

comments

اپنا تبصرہ بھیجیں