ایپل کا نیا آئی فون لانچ

امریکی ٹیکنالوجی کمپنی ایپل نے آئی فون کا نیا ماڈل متعارف کروایا ہے اور اس آئی فون سیون میں روایتی ہیڈ فون ساکٹ ختم کر دیا گیا ہے۔

آئی فون سیون بدھ کو سان فرانسسکو میں کمپنی کی نئی مصنوعات کی سالانہ تقریبِ رونمائی کے دوران پیش کیا گیا۔

یہ نیا فون ایسے وقت سامنے آ رہا ہے جب ایپل کے کاروباری حریف سام سنگ نے اپنے نوٹ سیون فون کی بیٹری کے مسائل سامنے آنے کے بعد اسے واپس منگوانے کا فیصلہ کیا ہے۔

ایپل نے کہا ہے کہ اس نے جرات کر کے ایک قدم اٹھایا ہے جس کے تحت ہیڈ فون اب فون چارجنگ کے لیے استعمال ہونے والی لائٹننگ پورٹ میں لگ سکیں گے۔

تاہم کمپنی نئے فون کے ہمراہ ایک اڈاپٹر بھی فراہم کرے گی جس کی مدد سے پرانے ہیڈفونز کا اس فون کے ساتھ استعمال ممکن ہو سکے گا۔

اس کے علاوہ ایپل نے وائرلیس ایئرفونز بھی متعارف کروانے کا اعلان کیا ہے جنھیں ایئرپوڈز کا نام دیا گیا ہے۔

ایپل نے اپنے اس فون کو پانی اور گرد سے محفوظ بنانے کے لیے اقدامات کیے ہیں اور آئی فون سیون پانی میں ایک میٹر گہرائی تک نصف گھنٹے ڈوبا رہنے کے باوجود متاثر نہیں ہوگا۔

160907184019_iphone_7__640x360_reuters_nocredit

نئے فون میں طاقتور کیمرہ متعارف کروایا گیا ہے اور آئی فون 7 پلس کے پچھلے حصے میں دو عدسوں والا کیمرہ لگایا گیا ہے جو مختلف فوکل لینتھس پر تصویر کھینچ سکے گا۔

160907182621_apple_watc_640x360_epa_nocredit

ایپل واچ

کمپنی کی جانب سے اس تقریب میں ایپل واچ کا نیا ماڈل بھی متعارف کروایا گیا جس کے بارے میں کہا گیا ہے کہ یہ پانی میں 50 میٹر تک کام کر سکتی ہے اور سرفنگ یا تیراکی کے دوران استعمال کی جا سکتی ہے۔

سیریز 2 کی ایپل واچ کی نمایاں خصوصیات میں جی پی ایس ٹریکر، مزید طاقتور پروسیسر اور زیادہ روشن سکرین شامل ہیں۔

apple-app-store-mario-game

سپر ماریو

اگرچہ آئی فون 7 اور ایپل واچ کے بارے میں زیادہ تر اطلاعات پہلے ہی منظر عام پر آ چکی تھی۔ تاہم سان فرانسسکو میں ہونے والی اس تقریب میں ایک سرپرائز بھی تھا اور وہ یہ کہ ننٹینڈو کی مشہور ویڈیو گیم سپر ماریو اس سال کے آخر تک آئی فونز پر دستیاب ہوگی۔

تبصرے

comments

اپنا تبصرہ بھیجیں