لاہوری ہریسہ

:اجزاء
گندم ۔۔۔۔۔۔۔۔250گرام
گائے کا گوشت ۔۔۔۔۔۔۔۔۔بون لیس
بڑی پیاز ۔۔۔۔۔۔۔1عدد
پسی لال مرچ ۔۔۔۔۔۔۔۔1-1/2چائے کا چمچہ
نمک ۔۔۔۔۔۔۔۔۔1-1/2چائے کا چمچہ
پسی ہری مرچ ۔۔۔۔۔۔۔1چائے کا چمچہ
ادرک لہسن ۔۔۔۔۔۔۔۔1چائے کا چمچہ
ہلدی ۔۔۔۔۔۔۔3/4چائے کا چمچہ
اُبلی اور باریک کٹی پالک ۔۔۔۔۔۔۔۔۔2کپ
کباب کے اجزائ۔
گائے کا قیمہ ۔۔۔۔۔۔۔۔250گرام
لہسن ۔۔۔۔۔۔۔۔1چائے کا چمچہ
نمک ۔۔۔۔۔۔۔۔1چائے کا چمچہ
پسی ہر ی مرچ ۔۔۔۔۔۔۔1چائے کا چمچہ
چاٹ مصالحہ ۔۔۔۔۔۔۔۔1چائے کا چمچہ
باریک کٹی ہری مرچ ۔۔۔۔۔۔2عدد
گرم مصالحہ ۔۔۔۔۔۔۔۔1/2چائے کا چمچہ

:ترکیب
کباب بنانے کے لیے چوپر میں 250گرام گائے کا قیمہ ، 1چائے کا چمچہ لہسن ، 1چائے کا چمچہ نمک ، 1چائے کا چمچہ پسی ہری مرچ ، 1چائے کا چمچہ چاٹ مصالحہ ، 2عدد باریک کٹی ہری مر چ اور 1/2چائے کا چمچہ گرم مصالحہ ڈال کر اچھی طرح چوپ کریں ۔ یہاں تک کہ وہ اسموتھ ہوجائے ۔ اب اس کے پتلے اور لمبے کباب بنائیں اور فرائنگ پین میں شیلو فرائی کرکے ایک طرف رکھ دیں ۔ 250گرام گند م کو رات بھر کے لیے بھگو کر رکھ دیں ۔ اگلی صبح انہیں اُبالی لیں ۔ یہاں تک کہ وہ گل جائیں ۔ پھر انہیں بلینڈ کرلیں ۔
گوشت بنانے کے لیے 1/2کلو بون لیس گائے کے گوشت کو 1عدد بڑی پیاز ، 1-1/2چائے کا چمچہ پسی لال مرچ ، 1-1/2چائے کاچمچہ نمک ، 1چائے کا چمچہ پسی ہری مرچ ، 1چائے کا چمچہ ادرک لہسن ، 3/4چائے کا چمچہ ہلدی اور 2کپ اُبلی اور باریک کٹی پالک کو 3کپ پانی کے ساتھ اُبال لیں ۔اب انھیں ڈھک کر پکائیں۔ یہاں تک کہ وہ تیار ہوجائے ۔
پھر ان کے باریک ریشے کرکے بلینڈ کیے ہوئے گند م کے مکسچر کے ساتھ مکس کرلیں ۔ اب اس میں اُبلی پالک شامل کرکے اچھی طرح مکس کریں ۔
اس کے بعد فرائی کیے ہوئے کباب ڈال دیں ۔
آخر میں دیسی گھی کے ساتھ بگھاردیں ۔ پھر اوپر چند مزیدکباب کے ساتھ گارنش کرکے گرم گرم سرو کریں ۔

تبصرے

comments

اپنا تبصرہ بھیجیں